PREZENSA TIC TIMOR HALO ONA MUDANSA BA DEZENVOLVIMENTU TEKNOLOJIA IHA MUNISÍPIU BAUCAU

Prezidente Autoridade Munisípiu Baucau António Augusto Guterres, apresia  ho prezensa Ajénsia Tecnologia da Informação e Comunicação (TIC) TIMOR I.P iha Munisípiu Baucau tanba  halo ona mudansa  ba dezenvolvimentu teknolojia iha Munisípiu refere.

Nia dehan, Servisu Ajensia TIC TIMOR fó asisténsia ba iha área teknologia  informátika atu bele fó koñese Timor-Leste ba mundo no lori mundo mai Timor-Leste.

Prezensa Ajénsia nian iha Munisípiu Baucau, responde lalais  problema software-hardware PC no ajuda halo instalasaun software ba PC.  

Halo mós instalasaun ba liña internet ne’ebé fó apoiu ba Munisípiu atu hafasil korespondénsia, asesu ba informasaun rai laran no informasaun seluk ne`ebé iha valor ba mudansa no dezenvolvimentu iha Munisípiu Baucau nomós Servisu seluk ne’ebé  kliente presija.

Nia mós hato’o votus parabéns ba aniversáriu Ajénsia TIC TIMOR nian ba dala tolu no husu atu nafatin apoiu tékniku TIC iha Munisípiu Baucau. #MÉDIA TIC#